news.mn economy.news.mn google.com
Үнэлэх:
Одоогийн үнэлгээ:

НД-ын шимтгэл төлөлт 13.4 хувиар нэмэгджээ

2012 оны 07 сарын 10


Нийгмийн даатгалд энэ оны эхний хагас жилд 575.7 мянган хүн шимтгэл төлөгчөөр бүртгүүлснээс 382.1 мянга буюу 65.2 хувь нь аж ахуй нэгж байгууллагынх, 203.7 мянга буюу 34.8 хувь нь төсөвт байгууллагынх байгаа ажээ. Энэ нь өмнөх оны мөн үеийнхээс нийт шимтгэл төлөгч, даатгуулагчдын тоо 69.2 мянга буюу 13.4 хувиар нэмэгдсэн талаарх судалгааг Үндэсний статистикийн хорооноос гаргажээ.

Хэдий ийнхүү шимтгэл төлөх даатгуулагч нэмэгдсэн ч зарим аж ахуй нэгжүүд ажилтнуудынхаа нийгмийн даатгалыг төлөхгүй байгаа зөрчил гарсаар байгаа билээ. Тиймээс Нийгмийн даатгалын ерөнхий газар  15 байгууллагын 1422 даатгуулагчдад олгосон хөдөлмөрийн хөлснөөс нийгмийн даатгалын шимтгэл тооцсон байдлыг шалгажээ. Үүнээс зургаан  байгууллагатай холбогдсон зөрчил буюу даатгуулагчдад олгосон хөдөлмөрийн хөлснөөс шимтгэл тооцоогүй, гэрээт ажилтны ажлын хөлс, гадаад ажилтанд олгосон ажлын хөлс, хүүхдээ асарч байх хугацааны шимтгэлийг төлөөгүй зэрэг зөрчлийг илрүүлж,  135,7 сая төгрөгийн шимтгэлийг нийгмийн даатгалын санд нөхөн төлүүлсэн гэнэ. Мөн даатгуулагчийн шимтгэл төлсөн хугацааг баталгаажуулж, нийгмийн даатгалын сангаас тэтгэвэр, тэтгэмж авах боломжийг бүрдүүлсэн аж.

У.БОЛОР
Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
Үнэлэх:
Одоогийн үнэлгээ:
Сэтгэгдэлийг ачаалж байна...
Зохиогчийн эрх хуулиар хамгаалагдсан. Мэдээлэл хуулбарлах хориотой